وه‌زاره‌تی ناوخۆی وڵاتی به‌حره‌ین ئاشكرای كرد كه به هۆی هێرش بۆسه‌ر پاسێكی هه‌ڵگری هێزه‌كانی پۆلیس، كه‌سێك كوژرا و 8 كه‌سی دیكه‌یش برینداربوون .
وه‌زاره‌تی ده‌ره‌وه‌ی ئه‌م وڵاته هێرشه‌كه‌ی رۆژی رابردووی به هێرشی تیرۆریستیی وه‌سفكرد و راشیگه‌یاند كه ئه‌م هێرشه له‌لایه‌ن گروپێكی تیرۆریستییه‌وه رێكخراوه و بۆمبێك له رێگه‌ی دووره‌وه به هێزه‌كانی پۆلیسی وڵاته‌كه‌یدا ته‌قیوه‌ته‌وه .
ئه‌و هێرشه له شاری جه‌د فه‌حس له ده‌وروبه‌ری مه‌نامه‌ی پایته‌ختی به‌حره‌ین روویداوه كه زۆرینه‌ی دانیشتووانی شاره‌كه سه‌ر به ئایینزای شیعه‌ن .
به‌رپرسانی ئه‌منیی ئه‌م وڵاته ده‌ڵێن كه سه‌رقاڵی لێكۆڵینه‌وه‌ن تا بزانن ئه‌نجامده‌رانی تاوانه‌كه كێن .
جێی ئاماژه‌یه كه هه‌فته‌ی رابردوو وه‌زیری ناوخۆی به‌حره‌ین ئێرانی به‌وه تاوانبار كرد كه داڵده‌ی سه‌دان كه‌سی به‌حره‌ینی داوه كه مافی هاوڵاتیی بوونیان له‌لایه‌ن حكومه‌تی ئه‌م وڵاته‌وه لێسه‌ندراوه‌ته‌وه .
سه‌رچاوه / ماڵپه‌ڕی بی بی سی
مه‌سعود مه‌عروف / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.