شاعیر و ڕۆماننووسی كورد (هۆشه‌نگ ئه‌وسی) ڕای ده‌گه‌یه‌نێت بۆ وه‌رگێڕان و چاپكردن و بڵاوكردنه‌وه‌ی ڕۆمانێكی به‌هه‌ردوو زمانی فه‌ڕه‌نسی و ئینگلیزی گرێبه‌ستی له گه‌ڵ ده‌زگای كتارا واژۆ كردووه.
هۆشه‌نگ ئه‌وسی ڕۆماننوسی كورد، له پێگه‌ی خۆی له (فه‌یسبووك)، له ڕێگه‌ی پۆستێكه‌وه سوپاسی هه‌ریه‌ك له خانه‌ی (سوئال) بۆ چاپ و بڵاوكردنه‌وه له به‌یرووت، به‌تایبه‌ت هه‌ریه‌ك له (ئیهاب محه‌مه‌د) و خاتوو (كریستیان عه‌نان) ده‌كات، كه هاریكارییان كردووه و ده‌ستیان له مافی وه‌رگێڕان هه‌ڵگرتووه، به‌وه‌ش له‌گه‌ڵ ده‌زگاكه گه‌یشتوون به ڕێككه‌وتن.
ئه‌وه‌ش ده‌خاته‌ڕوو، كه ڕۆمانی (وطأه الیقین) له تشرینی یه‌كه‌م/ ئه‌كتۆبه‌ری داهاتوودا، له پێشانگاكانی فرانكفۆرت و هه‌موو پێشانگاكندا به زمانه‌كانی ئینگلیزی و فه‌ره‌نسی ده‌ست ده‌كه‌وێت.
شاعیر و ڕۆماننوس هۆشه‌نگ ئه‌وسی، به‌هه‌ردوو زمانی كوردی و عه‌ره‌بی ده‌نووسێت و هاوكات هونه‌رمه‌ندی شێوه‌كاریشه.
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.