چه‌ند به‌رپرسێكی ئه‌مریكیی كه نه‌یانویستووه ناویان ئاشكرا بكرێت وتوویانه ئامانجی سه‌ره‌كیی سه‌ردانه‌كه‌ی وه‌زیری ده‌ره‌وه‌ی وڵاته‌كه‌یان بۆ رۆژهه‌ڵاتی ناوه‌ڕاست له‌م هه‌فته‌یه‌دا، به مه‌به‌ستی پێكهێنانی به‌ره‌یه‌كی عێراقی – سعودییه له به‌رامبه‌ر ئێراندا.
به‌گوێره‌ی هه‌واڵێكی ئاسۆشێیتد پرێس، سه‌ردانه‌كه‌ی رۆژی شه‌ممه‌ی ئه‌م هه‌فته‌یه‌ی ریكس تیله‌رسۆن وه‌زیری ده‌ره‌وه‌ی ویلایه‌ته یه‌كگرتووه‌كانی ئه‌مریكا بۆ ریازی پایته‌ختی سعودیه به مه‌به‌ستی پێكهێنانی هاوپه‌یمانییه‌كی نوێیه له نێوان به‌غدا و ریازدا.
به‌گوێره‌ی هه‌واڵه‌كه ئامانج له درووستكردنی ئه‌م هاوپه‌یمانییه بریتیه له داخستنی ده‌رگاكانی جیهانی عه‌ره‌بیی به‌ڕووی كۆماری ئیسلامیی ئێراندا و هه‌روه‌ها رێگریی له زیادبوونی رۆژ به رۆژی هه‌ژموونی ئه‌م وڵاته.
وه‌ك ئاسۆشێیتد پرێس له راپۆرته‌كه‌دا باسی كردووه ئه‌م پلانه‌ی حكومه‌تی ترامپ بۆ له‌یه‌كتر نزیك كردنه‌وه‌ی ئه‌و دوو وڵاته بابه‌تێكی تازه نییه و چه‌ند مانگێكه كه راوێژكارانی ئاسایشی سه‌رۆك كۆماری ئه‌مریكا كاری له‌سه‌ر ده‌كه‌ن.
سه‌رچاوه / ماڵپه‌ڕی رادیۆ فه‌ردا
مه‌سعود مه‌عروف / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.