ئەنجوومەنی ئاسایشی هەرێمی کوردستان راگەیێندراوێک لەبارەی رەوشی کەرکووک بڵاودەکاتەوە و رایدەگەیێنێ: كه ئه‌مشه‌و حه‌شدی شه‌عبی به چه‌ك و تانكی ئه‌مه‌ریكی له 2 قۆڵه‌وه هێرشی كرده سه‌ر هێزه‌كانی پێشمه‌رگه .
وه‌ك له راگه‌یه‌ندراوه‌كه‌ی ئه‌نجوومه‌نی ئاسایش ئاماژه‌ی بۆ كراوه، هێرشه‌كانی حه‌شدی شه‌عبی له قۆڵه‌كانی تازه خورماتوو - كه‌ركووك و پردی مه‌ریه‌م به‌گ بووه و پێشمه‌رگه توانیویه‌تی هێرشه‌كه تێكبشكێنێت توانیویانه نزیكه‌ی 5 هه‌مه‌ر و ئۆتۆمبێلی سه‌ربازی حه‌شدی شه‌عبی سووتێنرا.
هه‌روه‌ها ئه‌نجوومه‌نی ئاسایش له راگه‌یه‌ندراوه‌كه‌دا ئاشكرای ده‌كات كه حه‌شدی شه‌عبی له‌لایه‌ن ئێرانه‌وه پاڵپشتی ده‌كرێت، به چه‌ك و تانك و هه‌مه‌ری ئه‌مه‌ریكی هێرشی كردووه‌ته سه‌ر هێزی پێشمه‌رگه .
له راگه‌یه‌ندراوه‌كه‌دا دووپاتی ده‌كاته‌وه، هێزی پێشمه‌رگه به‌رده‌وام ده‌بێت له به‌رگری كردنی گه‌ل و خاكی كوردستان .
کۆمێنت (0)
تا ئێستا هیچ کۆمێنتێک نەکراوە.