سه‌رۆكی په‌رله‌مانی عێراق،سه‌ردانی شاری هه‌ولێری پایته‌ختی هه‌رێمی كوردستان ده‌كات و، له‌گه‌ڵ سه‌رۆكی هه‌رێمی كوردستان كۆده‌بێته‌وه.
نووسینگه‌ی راگه‌یاندنی سه‌لیم جبووری، سه‌رۆكی په‌رله‌مانی عێراق، له به‌یاننامه‌یه‌كدا، رایگه‌یاندووه، رۆژی یه‌كشه‌ممه ٨/١٠/٢٠١٧ (ئه‌مڕۆ) سه‌لیم جبووری سه‌ردانی شاری هه‌ولێری پایته‌ختی هه‌رێمی كوردستان ده‌كات و له‌گه‌ڵ مه‌سعود بارزانی، سه‌رۆكی هه‌رێمی كوردستان كۆده‌بێته‌وه.
چاوه‌ڕوان ده‌كرێ، ته‌وه‌ری سه‌ره‌كی كۆبوونه‌وه‌كه‌ی سه‌رۆك بارزانی و سه‌لیم جبووری ریفراندۆمی سه‌ربه‌خۆیی كوردستان و چۆنێتیی چاره‌سه‌ركردنی كێشه‌كانی نێوان هه‌ولێر و به‌غدا بێت.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.