بانکی ناوەندیی عێراق ئەمڕۆ چوارشەممە بڕیاریدا نرخی نوێی ئاڵوگۆڕی دۆلار بەرانبەر بە دیناری عێراقی پەسەند بکات، ئەمەش لە چوارچێوەی ئەو ڕێکارانەدا دێت کە بۆ گونجاندنی پێداویستییە دارایی و ئابوورییەکان گیراونەتە بەر.
نرخەکانی ئاڵوگۆڕی دۆلار:
بەپێی ئەو نووسراوەی بانکی ناوەندی بڵاویکردووەتەوە، نرخەکان بەم شێوەیەی خوارەوە دیاری کراون:
نرخی کڕینی دۆلار لە وەزارەتی دارایی: 1500 دینار بۆ هەر دۆلارێک.
نرخی فرۆشتنی دۆلار بە بانکەکان: 1510 دینار بۆ هەر دۆلارێک.
نرخی فرۆشتنی دۆلار بە هاووڵاتیان: 1520 دینار بۆ هەر دۆلارێک.
بانکی ناوەندی داوای لە سەرجەم دامەزراوە دارایی و بانکییەکان کردووە کە لە مامەڵەکانیاندا ئەم نرخە نوێیانە پەسەند بکەن و سیستمە بانکی و داراییەکانیان نوێ بکەنەوە. هەروەها جەختی کردووەتەوە کە دەبێت کارکردن بە نرخی پێشوو ڕابگیرێت و لە دەستپێکی ڕۆژی کاری داهاتووەوە، سەرجەم لق و یەکە پەیوەندیدارەکان بە نرخی نوێوە مامەڵە بکەن.
کۆمێنت (0)
تا ئێستا هیچ کۆمێنتێک نەکراوە.