سەرۆك بارزانی پەیامێكی هاوخەمی ئاراستەی كاردینال لویس ساكۆ پاتریەركی فەخری كەنیسەی كلدان كرد بەهۆی كۆچی دوایی براكەیەوە.
سەرۆك بارزانی لە پەیامە هاوخەمییەكەدا بۆ كاردینال لویس ساكۆ رایگەیاندووە "پرسە و سەرەخۆشیی خۆم ئاراستەی ئێوە و خانەوادە بەڕێزەكەتان و دۆستان و ئاشنایانتان دەكەم و خۆم بە هاوبەشی خەمتان دەزانم".
دەقی پەیامە هاوخەمییەكەی سەرۆك بارزانی بۆ كاردینال لویس ساكۆ:-
بەناوی خودای مەزن و دلۆڤان
غیبتەی كاردینالی كەنیسەی كاسۆلیك و پاتریەركی فەخری كەنیسەی كلدان مار لویس ساكۆ
بەداخێكی زۆرەوە هەواڵی كۆچی دوایی برای بەڕێزتان خوالێخۆشبوو (لازار ساكۆ)ـمان پێ گەییشت. پرسە و سەرەخۆشیی خۆم ئاراستەی ئێوە و خانەوادە بەڕێزەكەتان و دۆستان و ئاشنایانتان دەكەم و خۆم بە هاوبەشی خەمتان دەزانم.
لە خودای گەورە داواكارم ڕۆحی خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
مسعود بارزانی
30ـی ئابی 2026
کۆمێنت (0)
تا ئێستا هیچ کۆمێنتێک نەکراوە.