تۆڕی هەواڵی سی ئێن ئێن لە زاری بەرپرسێکی سعوودییەوە بڵاوی کردەوە، سعوودیە ئامادەکاری دەکات بۆ بەرپەرچدانەوەی هێرشی هەماهەنگیکراوی میلیشیا عێراقییەکان و حوسییەکان، کە پێشبینی دەکرێت دامەزراوەکانی وزە، بەندەر و فڕۆکەخانەکان بکەنە ئامانج.
بەپێی زانیارییە هەواڵگرییەکانی سعوودیە، ئەمریکا و وڵاتانی ناوچەکە، ئەم هێرشانە لەژێر چاودێری سوپای پاسدارانی ئێراندا دەبن و ئەگەری هەیە لە ئاییندەیەکی زۆر نزیکدا ڕوو بدەن.
بەرپرسە سعوودییەکە ئاماژەی بەوە کردووە کە ڕیاز چەندین کۆبوونەوەی لە نێوان میلیشیا عێراقییەکان، حوسییەکان و ئەندامانی سوپای پاسداران ئاشکرا کردووە، هاوکات جووڵەی درۆن و مووشەکەکانیشیان تێبینی کردووە.
ئەو بەرپرسە جەختی کردەوە: سعوودیە هەموو ڕێکارێکی پێویست بۆ وەڵامدانەوەی هەر دەستدرێژییەک دەگرێتەبەر، لە هەمان کاتدا ئاماژەی بەوە کرد کە وڵاتەکەی بەردەوام دەبێت لە هەوڵەکانی بۆ هێورکردنەوەی گرژییەکانی ناوچەکە.
کۆمێنت (0)
تا ئێستا هیچ کۆمێنتێک نەکراوە.