لە سنووری شارۆچکەی چۆمان، گەنجێکی تەمەن 18 ساڵ بەهۆی تەقینەوەی مینێکەوە بە سەختی بریندار بوو و بۆ وەرگرتنی چارەسەری ڕەوانەی نەخۆشخانە کرا.
بەڕێوەبەرایەتیی گشتیی کاروباری مینی هەولێر ڕایگەیاند، بەرەبەیانی ئەمڕۆ دووشەممە، کاتژمێر 6:00، گەنجێکی تەمەن 18 ساڵ لە کوێستانی بەردەسپیانی سەر بە گوندی گوندەژۆر لە سنووری شارۆچکەی چۆمان، بەهۆی تەقینەوەی مینێکەوە بە سەختی بریندار بوو.
لە ڕاگەیەندراوەکەدا ئاماژە بەوە کراوە، بریندارەکە ناوی (س. ع. خ) خەڵکی گوندی شەرەفۆنایە لە شارۆچکەی ئاکرێ، بەهۆی سەختی برینەکەیەوە دەستبەجێ بۆ وەرگرتنی چارەسەری ڕەوانەی نەخۆشخانە کراوە.
کۆمێنت (0)
تا ئێستا هیچ کۆمێنتێک نەکراوە.