سیناتۆرێکی باڵای ئەمریکا ڕایگەیاند کە پێویستە هەموو جۆرە دانوستانێک لەگەڵ ئێران ڕابگیرێت و لەبری ئەوە پەنا بۆ کردەی سەربازی ببرێت بۆ لەناوبردنی بەرنامە ئەتۆمییەکەی تاران.
ڕۆجەر ویکەر سیناتۆری کۆماری و سەرۆکی لیژنەی هێزە چەکدارەکان لە ئەنجومەنی پیرانی ئەمریکا، لە بڵاوکراوەیەکدا لە تۆڕی کۆمەڵایەتی ئێکس ئاماژەی بەوە کردووە، کاتی دیپلۆماسی و دانوستان لەگەڵ ڕژێمی ئێران بەسەرچووە و ناتوانرێت متمانە بە هیچ بەڵێن و ڕێککەوتنێکی ئەو وڵاتە بکرێت.
ناوبراو داوای لە فەرماندەی گشتی هێزە چەکدارەکانی ئەمریکا کردووە کە فەرمان بە سەرکردە سەربازییەکان بدات بۆ تێکشکاندنی توانای سەربازیی ئێران و لەناوبردنی پاشماوەی دامەزراوە ئەتۆمییەکانی، وەک تاکە ڕێگە بۆ چەسپاندنی سەقامگیری لە ناوچەکەدا.
کۆمێنت (0)
تا ئێستا هیچ کۆمێنتێک نەکراوە.