ب هەلکەفتا (27) سالرۆژا دامەزراندن و دەستپێکرنا پەخشێ کوردستان، مەکتەبا ڕێکخستنێ دهۆك 27 مین ساڵڤەگەڕا دامەزردندنا کوردستان TV پیرۆزدکەت. ئهڤه ژی دهقێ ویی پهیامێیه..
بەڕێزان ڕێڤەبەر و کارمەندێن کەناڵێ ئاسمانیێ کوردستان تی ڤی
ب هەلکەفتا (27) سالرۆژا دامەزراندن و دەستپێکرنا پەخشێ کوردستان TV، وەک ئێکەمین کەناڵێ ئاسمانی ل کوردستانێ، گەرمترین پیرۆزباهیان ل ھەوەیێن ھێژا و تەڤایا کارمەند و ڕۆژنامەڤانێن وی کەناڵی دکەین.
کوردستان تی ڤی هەر ژ دەستپێکا دامەزراندنا خۆ، نە بتنێ دەزگەهەکێ ڕاگەهاندنێ بوو، بەلکو دەرگەهەکێ مەزن بوو بۆ ناساندنا دۆزا ڕەوا یا گەلێ مە ب جیهانا دەرڤە. ئەڤی کەناڵی ب پیشەییبوونا خۆ شیا وەک زمانحالێ ڕاستەقینە، پەیاما ئاشتیخوازی و ڕەوایەتیا دۆزا گەلێ کوردستانێ، گەهاندە ناڤەندێن بڕیارێ و جیهانا دەرڤە و بوو پرەکا بهێز د ناڤبەرا نیشتمان و ڕەڤەندا کوردی دا ل دەرڤەی وەڵاتی، ب جۆرەکی کو کوردێن ئاوارە، ب ڕێکا شاشەیا کوردستان تی ڤی خۆ ب پارچەک ژ ئاخ و کلتوورێ خۆ ددیت.
کوردستان تێ ڤی ڕۆلەکێ کارا د پاراستنا شوناسێ نەتەوەیی و گەشەپێدانا کلتوورێ پێکڤەژیانێ ل هەرێما کوردستانێ گێڕایە.
ب ڤێ هەلکەفتێ دا، ماندیبوون و خزمەتا هەوە یا بەردەوام بلند دنرخینێن دکەین.
هیڤیدارین هەرەم بەرەڤ پێشڤە بچن و د بەردەوام بن ل سەر گەهاندنا پەیاما پیرۆزا پارتی و بارزانی و خزمەتکرنا ئارمانجێن بلندێن گەلێ مە.
دووبارە پیرۆز بیت و هەر شاد و سەرکەفتی بن.
مەکتەبا ڕێکخستنا پارتی دیموکراتی کوردستان / پارێزگەها دهۆکێ
17ی کانوونا دوویێ 2026
کۆمێنت (0)
تا ئێستا هیچ کۆمێنتێک نەکراوە.