بەڕێوەبەرایەتی هاتوچۆ و لایەنە پەیوەندیدارەکان ئاگادارییەکی بەپەلە ئاراستەی سەرجەم شوفێران و هاووڵاتییان دەکەنەوە سەبارەت بە گرتنی یەکێک لە ڕێگا سەرەکییەکان بەهۆی تێکچوونی کەشوهەواوە.
ڕۆژی پێنجشەممە، 1ـی کانوونی دووەم، بەرێوبەرایەتیی هاتوچۆی سۆران، ڕایەگەیاند: لە ئێستادا ڕێگای سپیلک- شانەدەر بەهۆی بارینی بەفرێکی زۆر و دروستبوونی بەستەڵەک و شەختەبەندی، ئاستەنگی زۆری بۆ دروست بووە و هاتووچۆ تێیدا بەتەواوی پەکیکەوتووە.
لە ڕاگەیەندراوەکەدا هاتووە: تیمەکانی ڕاماڵینی بەفر لە هەوڵی بەردەوامدان بۆ پاککردنەوەی ڕێگاکە، بەڵام تا ئەو کاتەی ڕێگاکە بەتەواوی پاک دەکرێتەوە و مەترسییەکانی خلیسکان و شەختە نامێنێت، داوا لە شوفێران دەکەین بە هیچ شێوەیەک ئەم ڕێگایە بەکار نەهێنن.
ئەم ئاگادارییە لەپێناو پاراستنی سەلامەتی گیانی هاووڵاتییان و شوفێرانە، تاوەکو ڕێگری بکرێت لە هەر ڕووداوێکی نەخوازراوی هاتووچۆ کە بەهۆی بەفر و شەختەکەوە بێتە ئاراوە.
کۆمێنت (0)
تا ئێستا هیچ کۆمێنتێک نەکراوە.