کۆمیسیۆنی باڵای سەربەخۆی هەڵبژاردنەکان بڕیاری دوورخستنەوەی ژمارەیەک بەربژێری هەڵبژاردنی ئەنجوومەنی نوێنەرانی ساڵی 2025ـی دەرکرد، دوای ئەوەی دەرکەوت پێشینەی تاوانکارییان هەیە و لە دۆسیەی کوشتن، بەرتیل و گەندەڵییەوە تێوەگلاون.
کۆمیسیۆنی باڵای سەربەخۆی هەڵبژاردنەکانی عێراق، لە ڕاگەیێندراوێکدا دوورخستنەوەی 66 بەربژێری بۆ هەڵبژاردنی ئەنجوومەنی نوێنەرانی ساڵی 2025 ڕاگەیاند.
کۆمیسیۆن ئاماژەی بەوە کردووە، بڕیارەکە دوای وردبینیکردن لە دۆسیەی بەربژێرەکان و پشتڕاستکردنەوەی بوونی ڕێگریی یاسایی (قەیدی جینائی) لەسەریان دەرکراوە.
بەپێی ڕاگەیێندراوەکە، ئەو تاوانانەی بوونەتە هۆی دوورخستنەوەیان بریتین لە: کوشتن، بەرتیل (ڕەشوە)، ساختەکاری و فێڵکردن، لەگەڵ چەندین دۆسیەی دیکەی پەیوەست بە گەندەڵیی دارایی و کارگێڕی.
کۆمێنت (0)
تا ئێستا هیچ کۆمێنتێک نەکراوە.