بەڕێوەبەرایەتیی گشتیی کەشناسی و بوومەلەرزەزانیی هەرێم، پلەکانی گەرما بۆ ئەمڕۆ یەکشەممە بڵاو کردەوە. بەپێی پێشبینییەکان، کەرکووک و خەبات بە تۆمارکردنی 51 پلەی سیلیزی، گەرمترین ناوچەن و پلەکانی گەرما لە خانەقین و دووزخورماتووش دەگەنە 50 پلە.
بەڕێوەبەرایەتیی گشتیی کەشناسی و بوومەلەرزەزانی لە وەزارەتی گواستنەوە و گەیاندنی حکوومەتی هەرێمی کوردستان، لە ڕاگەیێندراوێکدا نەخشەی پلەکانی گەرما بۆ ئەمڕۆ یەکشەممە 27ـی تەمووزی 2025، بڵاو کردەوە.
بەپێی نەخشەکە، بەرزترین پلەی گەرما لە پارێزگای کەرکووک و قەزای خەبات تۆمار کراوە کە دەگاتە 51 پلەی سیلیزی. هەروەها لە هەردوو قەزای خانەقین و دووزخورماتووش پلەی گەرما 50 پلەی سیلیزییە.
پلەکانی گەرما لە سەنتەری پارێزگاکانی دیکەی هەرێمی کوردستان بەم شێوەیەی خوارەوەیە:
• هەولێر: 48 پلەی سیلیزی
• دهۆک: 47 پلەی سیلیزی
• سلێمانی: 45 پلەی سیلیزی
• هەڵەبجە: 44 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.