پۆلیسی سلێمانی تاوانبارێک دەستگیر دەکەن دوای ئەوەی بە چەقۆ کەسێک دەکوژێت و کەسێکی دیکەش بریندار دەکات
ئەمڕۆ هەینی 25ـی تەمووز، بەڕێوەبەرایەتی پۆلیسی سلێمانی رایگەیاند: "تۆمەتبارێکیان دەستگیر کردووە بە تۆمەتی کوشتنی کەسێک و بریندار کردنی کەسێکی دیکە و هەڵاتن لە شوێنی تاوانەکەی".
پۆلیسی سلێمانی دەلێت، ئەمرۆ سەر لە بەیانی ئاگادار کراونەتەوە لە رووداوی کوشتنی کەسێک و بریندار کردنی کەسێکی دیکە لە گەرەکی سەروەری شاری سلێمانی.
تەرمی کوژراوەکە رەوانەی پزیشکی دادی سلێمانی کراوە و بریندارەکەش گەیەندراوەتە نەخۆشخانە و لەژێر چارەسەرکردن دایە.
تاوانبارەکە دوای ئەنجامدانی تاوانەکەی هەڵهاتووە و لەلایەن تیمەکانی پۆلیسی سلێمانی مەفرەزە داندراوە و توانراوە تاوانبارەکە دەست بەسەر بکەن.
بە گوێرەی لێکۆڵینەوە سەرەتاییەکان، رووداوەکە بەهۆی دەمەقاڵی بووە لە نێوان تاوانبار و هەردوو تاوانلێکراو، تاوانبار بە چەقۆ هێرشی کردووەتە سەریان یەکێکیانی کوشتووە و ئەوەی دیکەشی بریندار کردووە.
لەئێستادا تۆمەتباری ناوبراو بەبڕیاری بەڕێز دادوەرو بەپێی ماددەی406 لەیاسای سزادانی عیراقی ڕاگیراوەو لێکۆڵینەوە لەدۆسیەکە بەردەوامە.
کۆمێنت (0)
تا ئێستا هیچ کۆمێنتێک نەکراوە.