تیمێکی پزیشکی لە نەخۆشخانەی شار لە سلێمانی، ژیانی هاووڵاتییەکی تەمەن 56 ساڵیان رزگارکرد، دوای ئەوەی دڵی بەتەواوی لە لێدان وەستابوو، له‌وباره‌یه‌وه بەڕێوەبەرایەتیی گشتیی تەندروستیی سلێمانی رایگه‌یاند: ئێستا تەندروستیی نەخۆشەکە جێگیرە.
ئەمڕۆ هەینی 20ـی حوزەیران، بەپێی راگەیێندراوێکی بەڕێوەبەرایەتیی گشتیی تەندروستیی سلێمانی کە ئەمڕۆ بڵاویکردووەتەوە: پیاوێکی تەمەن 56 ساڵ گەیێندرایە بەشی فریاکەوتنی نەخۆشخانەی شار کە دڵی لە کارکردن وەستابوو،
لە راگەیێندراوەکەدا هاتووە: "دەستبەجێ لەلایەن تیمی فریاکەوتنی نەخۆشخانەکەوە چارەسەریی فریاگوزاریی سەرەتایی و بووژاندنەوەی دڵ (CPR) بۆ کراوە و توانیویانە دڵی بخەنەوە کار".
تەندروستیی سلێمانی ئاشكراشی كردووه: دوای ئەنجامدانی چارەسەرییە سەرەتاییەکان، نەشتەرگەریی قەستەرە بۆ نەخۆشەکە کراوە و لە ئێستادا تەندروستیی نەخۆشەکە جێگیرە و لەژێر چاودێریی وردی پزیشکیدایە.
کۆمێنت (0)
تا ئێستا هیچ کۆمێنتێک نەکراوە.