رەجەب تەیب ئەردۆغان، سەرۆک کۆماری تورکیا ڕایگەیاند، کاریگەرییەکانی جەنگی نێوان ئیسرائیل و ئێران بە تایبەت لەسەر ئاسایشی ناوچەکە لە مەترسیدارترین ئاستدایە و هەڕەشە لە ئاسایشی ئەوروپاش دەکات.
ئەمرۆ هەینی 20ـی حوزەیران، رەجەب تەیب ئەردۆغان، سەرۆک کۆماری تورکیا و فرێدریک مێرتز، ڕاوێژکاری ئەڵمانیا، لە پەیوەندیەکی تەلەفۆنیدا پرسە دووقۆڵییەکان و گرژی و ئاڵۆزییەکانی ناوچەکەیان تاوتوێ کرد.
ئەردۆغان ڕایگەیاند، جەنگی ئیسرائیل و ئێران کە بە هێرشی ئیسرائیل بۆ سەر ئێران دەستی پێ کردووە، هەرەشە لەسەر ئاسایشی ئەوروپا دروست دەکات و لە ئەنجامی ئەو توندوتیژییەی لە ناوچەکە سەری هەڵداوە، شەپۆلی کۆچبەری زیاد دەبێت.
سەرۆک کۆماری تورکیا ئاماژەی بەوە دا، هەوڵەکانی وڵاتەکەی بۆ کۆتاییهێنان بە ململانێکان و هێنانەدی ئارامی بەردەوام دەبێت و جەختیشی کردەوە ڕێگای چارەسەرکردنی ناکۆکییە ئەتۆمییەکان لەگەڵ ئێران، لە مێزی دانوستانەوەیە.
کۆمێنت (0)
تا ئێستا هیچ کۆمێنتێک نەکراوە.