نێچیرڤان بارزانی سەرۆکی هەرێمی کوردستان، یادی ئەو کرێکارانە دەکاتەوە کە لەسەر ئەرک گیانیان لەدەستداوە و جەخت دەکاتەوە کە لایەنی پەیوەندیدار دەبێت چاودێری خێزانەکانیان بکات.
ئەمڕۆ پێنجشەممە 1ی ئایاری 2025، نێچیرڤان بارزانی پەیامی پیرۆزبای بە بۆبۆنەی جەژنی کرێکاران بڵاوکردەوە و تێیدا پیرۆزبای لە تەواوی کرێکارانی جیهانن کرد.
بە بۆنەی یەکی ئایار، جەژنی جيهانيى کرێکارانهوه، گەرمترین پیرۆزبایی پێشکەش بە هەموو کرێکارانی کوردستان، عێراق و جیهان و ڕێكخراوهكانيان دەکەم. ڕهنج و كۆشش و ماندووبوونيان لە بنیاتنان و ئاوەدانکردنەوە و بەشداریى كارا و بنەڕەتییان لە پێشخستن و گەشەسەندنى وڵاتدا، بەرز دەنرخێنم.
جەخت لەسەر پشتگیريی تەواوی مافەکانی کرێکاران و داوا ڕەواکانیان له هەرێمی کوردستان دەکەینەوە، ههروهها پێداگری لەسەر پێويستيى دابینکردنی ژینگەیەکی کاری ئارام و بەدیهێنانی دادپەروەری لە هەلەکانی کار و ڕێکخستنی پەیوەنديی نێوان كرێكاران و خاوهنكاران دەکەین لەسەر بنەمایەک کە شکۆی کرێکار بپارێزێت و دڵنياييى گوزهران و ژیانيان، مسۆگهر بکات.
ههر بهم بۆنهيهوه، به ڕێزهوه ههموو ئهو كرێكارانه بهبيردههێنينهوه کە لە کاتی کاردا گیانیان لەدەستداوە و سڵاو له خێزان و كهسوكاريان دهكهين. جهخت دهكهينهوه كه لایەنە پەیوەندیدارەکان دهبێ چاودێريی خێزانەکانیان بکەن و ههموو پشتيوانى و هاوكارييهكى پێويستيان بۆ فهراههم بكرێت.
هیوای پشوویەکی ئارام و ئاسووده بۆ هەموو کرێکاران و سەرکەوتن له ههوڵ و خەباتیان بۆ دهستهبهركردنى مافەکانیان دهخوازم.
کۆمێنت (0)
تا ئێستا هیچ کۆمێنتێک نەکراوە.