دوای نیوەڕۆی ئەمڕۆ دووشه‌ممه 21ی نیسانی 2025 لە گوندی نێکەوەی سنووری دەشتی هێرت سەر بەقەزای سیدەکان لاوێك بەناوی (مەتین ئەنوەر ڕەسوڵ) کە پیشەی شوانکارییه له ناوچه‌كه‌ی خۆیدا لە کاتی لەوەڕاندنی مەڕوماڵاتەکانی مار پێیوەدا.
به گوێره‌ی سه‌رچاوه‌كان، دوای رووداوه‌كه له‌لایه‌ن دانیشتووانی سنووره‌كه ده‌ستبه‌جێ گه‌یه‌نراوه‌ته نه‌خۆشخانه‌ی فریاكه‌وتنی سیده‌كان.
لای خۆیه‌وه بەرپرسی بنکەی تەندروستی سیدەکان رایگه‌یاندووه: مار لاقی ئەو گەنجەی گەزیوە و به‌و هۆیەوە ڕەوشی تەندروستی ناجێگیرەو دوای پێدانی چارە سەری سەرەتای لە سیدەکان له ئێستادا ڕەوانەی نەخۆشخانەی ئاشتی لە سۆران كراوه و له‌ژێر چاودێرییه .
کۆمێنت (0)
تا ئێستا هیچ کۆمێنتێک نەکراوە.