بەهۆی بارینی بەفرێكی زۆر، رێگای زینی وەرتێ ئەستەم و زەحمەت بووە و داوا لە شوفێران دەكرێت لەم رێگایە پابەندی رێنماییەكانی هاتوچۆ بن.
بەڕێوەبەرایەتی هاتوچۆی سۆران ئەمشەو سێشەممە بڵاوی كردەوە "ئاگاداری شوفێران دەکەینەوە کەوا رێگای زینی وەرتێ ئەستەم و زەحمەتە بەهۆکاری بارینی بەفر و بوون بە شەختە".
بڵاویشی كردەوە "داوا لە سەرجەم شوفێران بەتایبەتیش شوفێرانی بارهەڵگر دەكەین پابەندی رێنماییەکان هاتوچۆ بن بۆ سەلامەتی هەموو لایەک".
لە دوێنێ دووشەممەوە شەپۆڵێكی سەرما و سۆڵە و بەفربارین بەشێكی زۆری ناوچەكانی هەرێمی كوردستانی گرتۆتەوە و بەهۆیەوە لە زۆرێك لە ناوچە شاخاوییەكان بەفرێكی زۆر باریوە و بەو هۆیەوە رێگاكانی هاتوچۆی دەرەوە سەخت و دژوار بووە.
کۆمێنت (0)
تا ئێستا هیچ کۆمێنتێک نەکراوە.