سێ هاوڵاتی كورد له كه خه‌ڵكی شاری نه‌غه‌ده‌ن له كوردستانی ئێران له‌لایه‌ن هێزه ئه‌منییه‌كانی ئێرانه‌وه ده‌ستگیركران.
رێكخراوی هه‌نگاو بۆ مافه‌كانی مرۆڤ رایگه‌یاند، رۆژی پێنجشه‌ممه‌ی رابردوو، محەممەدتاهیر ئەلیاسی و ئەیووب ئارمەند، كه هه‌ردووكیان ته‌مه‌نیان 35 ساڵه و خه‌ڵكی شاری نه‌غه‌ده‌ن رۆژی پێنجشه‌ممه‌ی رابردوو له‌لایه‌ن هێزه ئه‌منییه‌كانی ئێرانه‌وه ده‌ستگیركراون.
هه‌نگاو ئاماژه‌ی به‌وه‌ش داوه، رۆژی پێشووتریش، مەسعوود محەممەدپووری تەمەن25 ساڵ لە یەکێک لە شەقامەکانی نەغەدە و لە كاتێكدا کە لە نێو تاکسییەکدا بووە لە لایەن هێزێكی ئه‌منییه‌وه ده‌ستگیركراوه.
رێكخراوی هه‌نگاو راشیگه‌یاندووه، سێ هاوڵاتییه‌كه هه‌ر سێكیان خێزانداران پاش ده‌ستگیركرانیان به‌ره‌و شوێنێكی نادیار گواستراونه‌ته‌وه، تا ئاماده‌كردنی ئه‌م هه‌واڵه‌ش زانیاری ورد له‌سه‌ر هۆكاری ده‌ستگیركرانیان و شوێنیان و ئەو تۆمەتانەی دراونەتە پاڵیان لەبەر دەستدا نییە.
کۆمێنت (0)
تا ئێستا هیچ کۆمێنتێک نەکراوە.