شارەزایەكی كەشناسی رایگەیاند، شەپۆڵێكی بارانبارین بەڕێوەیە و پێشبینی دەكرێت لەم شەپۆڵەدا بۆ ماوەی دوو رۆژ كەشوهەوایەكی باراناوی دروست ببێت.
عەلی زیادی كە شارەزایەكی كەشناسی عێراقییە، رایگەیاند: شەپۆڵێكی بارانبارین بەڕێوەیە و لە رۆژی شەممەی داهاتوو رێكەوتی 11/1/2025 دەست پێ دەكات.
راشیگەیاند: شەپۆڵەكە بۆ ماوەی دوو رۆژ بەردەوام دەبێت و پێشبینی دەكرێت بارانبارینەكە لەنێوان بەخوڕ و مامناوەند بێت و لە زۆربەی ناوچەكانی عێراق ببارێت.
هەروەها رایگەیاند: جگە لەم شەپۆڵە، پێشبینی دەكرێت هەر لەم مانگەدا شەپۆڵی دیكەی بارانبانرین هەبێت، چاوەڕوان دەكرێت رۆژی 16ی مانگ بارانێكی مامناوەند ببارێت، دواتریش لە رۆژی 20 مانگ شەپۆڵێكی دیكەی بارانبارین روو لە عێراق دەكات، لەم شەپۆڵەدا بارانێكی باش دەبارێت و ماوەی چەند رۆژێك بەردەوام دەبێت.
شارەزایەكی كەشناسی ئاماژەی بەوەش دا كە پێشبینی كراوە تا مانگی سێی ئەمساڵ بارانبارین لە كات و بە رێژەی جیاواز بەردەوامی هەبێت.
کۆمێنت (0)
تا ئێستا هیچ کۆمێنتێک نەکراوە.