لە شاری لۆس ئانجلسی ویلایەتی کالیفۆرنیای ئەمریکا، بەهۆی ئەو ئاگرەی دارستانی شارەکەی گرتووەتەوە کە بەهۆی توندەبا تەشەنەی سەندووە، بڕیاردرا بە گواستنەوەی نزیکەی 30 هەزار کەس بۆ شوێنی دیکە.
بەپێی ئەو هەواڵانەی لە ڕاگەیاندنی ئەمریکادا بڵاوکراونەتەوە، بەهۆی توندەبا و کەشوهەوای وشکەوە ئاگر لە دارستانی شارەکە کەوتووەتەوە.
لە کاتێکدا بەهۆی ئاگرەکەوە نزیکەی سێ هەزار هێکتار زەوی دارستان لە ناوچەی پاسیفیک پالیسادیس سووتاوە، بڕیاردراوە بە گواستنەوەی نزیکەی 30 هەزار کەسی ناوچەکە بۆ شوێنی ئارام.
لەم نێوەندەدا، حاکمی کالیفۆرنیا، گاڤین نیوسۆم لە ڕاگەیاندراوێکدا ئاماژەی بەوە کرد کە هەڵمەتی کوژاندنەوەی ئاگرەکە درێژەی هەیە و، باری لەناکاو لە لۆس ئانجلس ڕاگەیاندراوە.
کۆمێنت (0)
تا ئێستا هیچ کۆمێنتێک نەکراوە.