ڕیپۆرتەرانی نەتەوە یەکگرتووەکان داوایان کرد کە گرنگە بەڵگەکانی پەیوەندیدار بە پێشێلکارییەکانی مافی مرۆڤ و ئەو تاوانانەی کە لە سەردەمی ڕژێمی ڕووخاوی بەشار ئەسەد-دا لە سووریا ئەنجامدراون، بپارێزرێن.
ڕیپۆرتەرانی نەتەوە یەکگرتووەکان ڕاگەیاندراوێکی ھاوبەشیان بڵاوکردەوە و تیایدا ئاماژەیان بەوەداوە: "بەدۆکیۆمێنتکردن و پاراستنی بەڵگەکانی پەیوەندیدار بەو پێشێلکارییانەی کە لە میانی ساڵانی ململانێیەکان و ستەمکاریدا لە سووریا ئەنجامدراون، زۆر گرنگن بۆ دەستەبەکردنی لێپرسینەوە لە دارودەستەکانی ڕژێمی ڕووخاوی سووریا".
لە ڕاگەیاندراوەکەدا، ھاتووە: "پێویستە سەرجەم لایەنە پەیوەندیدارەکان ڕێگریی بکەن لە ونبوونی ئەو زانیارییە گرنگانەی کە یارمەتیدەرن بۆ گەڕان بەدوای بێسەروشوێنەکاندا لە سووریا".
ھەروەھا لە ڕاگەیاندراوکەدا، جەخت لەوە کراوەتەوە کە پێویستە نەتەوە یەکگرتووەکان و سەرجەم لایەنە نێودەوڵەتییەکان پێکەوە کار بکەن بۆ دەستەبەرکردنی لێپرسینەوە لە دارودەستەکانی ڕژێمی ڕووخاوی سووریا.
کۆمێنت (0)
تا ئێستا هیچ کۆمێنتێک نەکراوە.