میدیا وەرزشییەكان یاریزانی براوەی ئەمساڵی خەڵاتی زە بێست وەك باشترین یاریزانی 2024ی جیهانیان ئاشكرا كردووە كە ساڵانە لەلایەن یەكێتی تۆپی پێی نێودەوڵەتی (فیفا) دابەش دەكرێت.
بڕیارە ئەمشەو سێشەممە لە رێگەی ئینتەرنێتەوە لە دۆحەی پایتەختی قەتەڕ ناوی براوەی خەڵاتی زە بێست 2024 ئاشكرا بكرێت.
ماڵپەڕی (گلۆبۆ)ی بەڕازیلی ئاشكرای كردووە كە براوەی ئەمساڵی خەڵاتی زە بێست، ڤینسیوس جۆنیۆری بەڕازیلی و ئەستێرەی یانەی ریال مەدریدی ئیسپانییە.
ڤینسیوس /24 ساڵ/ ئێستا خۆی لە قەتەڕە و سبەی چوارشەممە لەگەڵ یانەی ریال مەدرید یاریی كۆتایی جامی جیهانی كیشوەركان بەرامبەر یانەی باچوكای مەكسیكی ئەنجام دەدات.
کۆمێنت (0)
تا ئێستا هیچ کۆمێنتێک نەکراوە.