لیژنەی باڵای ئەمنی سەرژمێری گشتی دانیشتووان بڕیاری دا، ئەمشەو پێنجشەممە كاتژمێر 12:00 قەدەغەی هاتوچۆ لە سەرتاسەری عێراق هەڵبگیرێت.
میقداد میری گوتەبێژی لیژنەی باڵای ئەمنی سەرژمێری رایگەیاند: بڕیاردرا ئەمشەو كاتژمێر 12:00 قەدەغەی هاتوچۆ لە سەرجەم پارێزگاكانی عێراق هەڵبگیرێت.
راشیگەیاند: بۆ سبەی هەینی تەنیا قەدەغەی هاتوچۆ لەنێوان پارێزگاكان دەمینێت بە مەبەستی سەرخستنی پڕۆسەی سەرژمێری گشتیی دانیشتووان.
بەهۆی بەڕێوەچوونی پڕۆسەی سەرژمێری گشتیی دانیشتووان، رۆژانی چوارشەممە و پێنجشەممە قەدەغەی هاتوچۆ لە هەرێمی كوردستان و سەرجەم پارێزگاكانی عێراق راگەیەنرابوو، قەدەغەكە ئەمشەو كاتژمێر 12:00 كۆتایی دێت.
سەرلەئێوارەی ئەمڕۆ پێنجشەممە لیژنەی باڵای ئەمنی سەرژمێری گشتی دانیشتووان رایگەیاندبوو، چاوەڕێی دوایین ئامار و داتاكانی بەڕێوەچوونی پڕۆسەی سەرژمێری دەكەن و كاتژمێر 10:00ی ئەمشەو بڕیاری كۆتایی لەسەر هەڵگرتنی بڕیاری قەدەغەی هاتوچۆ یان درێژكردنەوەی دەدەن.
کۆمێنت (0)
تا ئێستا هیچ کۆمێنتێک نەکراوە.