چەکدارانی حزبوڵڵای لوبنان بە ئاراستەکردنی هاژه‌ك، ھێزەکانی سوپای ئیسرائیلیان لە باشووری لوبنان کردە ئامانج.
حزبوڵڵای لوبنان لە ڕاگەیاندراوێکدا ئاماژەی بەوەداوە کە چەکدارەکانیان بە ئاراستەکردنی هاژه‌ك، ھێزەکانی سوپای ئیسرائیلیان لە نزیک شارۆچکەی مەرکەبە باشووری لوبنان کردووەتە ئامانج.
دوێنێ سێشەممە چەکدارانی حزبوڵڵای لوبنان، 34 ھێرشیان کردە سەر ھێزەکانی سوپای ئیسرائیل لە باشووری لوبنان و باکووری ئیسرائیل.
ئەمەش لە کاتێکدایە کە ئێستا نێردەی ئەمریکا بۆ لوبنان، ئامۆس ھۆکستین بۆ تاوتوێکردنی وەستاندنی شەڕ لە لوبنان بەسەردانێک لە بەیروتە.
دوێنێ ئامۆس ھۆکستین دوای دیداری لەگەڵ سەرۆکی ئەنجوومەنی نوێنەرانی لوبنان، نەبیھـ بری ڕایگەیاندبوو: دەرفەرتی ئەوە ھەیە کە بۆ کۆتایی بە شەڕی نێوان لوبنان و ئیسرائیل بھێندرێت.
کۆمێنت (0)
تا ئێستا هیچ کۆمێنتێک نەکراوە.