ئەنجوومەنی وەزیرانی عێراق بڕیاری دا 1%ی مووچەی سەرجەم فەرمانبەر و خانەنشینان ببڕێت و بیدات بە هاوكارییەكان بۆ هاووڵاتییانی غەززە و لوبنان، بەڵام بڕیارەكە ئارەزوومەندانەیە و بە زۆر نییە.
ئەمڕۆ سێشەممە ئەنجوومەنی وەزیرانی عێراق كۆبوونەوەی ئاسایی و هەفتانەی خۆی ئەنجام دا.
لە كۆبوونەوەكەدا چەند بڕیار و رێنماییەك دەركران، یەكێك لە بڕیارەكان بڕینی 1%ی مووچەی سەرجەم فەرمانبەر و خانەنشینانی دەوڵەت بوو بە مەبەستی پێشكەشكردنی هاوكاری بۆ هاووڵاتییانی غەززە و لوبنان.
بەگوێرەی راگەیەنراوی نووسینگەی ئەنجوومەنی وەزیرانی عێراق، بڕیارەكە ئارەزوومەندانەیە و فەرمانبەر خۆی بڕیار لەسەر دان و نەدانی دەدات، بۆ مانگی داهاتووش دەچێتە بواری جێبەجێكردنەوە.
هاوكارییەكان بەچاودێری راستەوخۆی سەرۆك وەزیرانی عێراق لە رێگەی هەژمارێكی بانكی بەشێوەی یەكسان وەك كۆمەك و هاوكاری پێشكەش بە هاووڵاتییان لە غەززە و لوبنان دەكرێت.
کۆمێنت (0)
تا ئێستا هیچ کۆمێنتێک نەکراوە.