ئەمڕۆ چوارشەممە جۆ بایدن سەرۆكی ئەمەریكا لەنێو ژوورە سپییە تایبەتەكەی كۆشكی سپی، پێشوازی لە دۆناڵد ترەمپ سەرۆكی هەڵبژێردراوی ئەمەریكا كرد.
چاوەڕوان دەكرێ لە كۆبوونەوەكەدا هەردوو سەرۆك ژمارەیەك پرسی گرینگ تاوتوێ بكەن، لەنێویاندا سیاسەتی دەرەوەی ئەمەریكا.
دوێنێ سێشەممە كارین ژان پیێر گوتەبێژی كۆشكی سپی لە كۆنگرەیەكی رۆژنامەوانیدا رایگەیاندبوو، وەك عورفی دەستاودەستكردنی دەسەڵات لە ئەمەریكا، جۆ بایدن لەنێو كۆشكی سپی مێوانداریی دۆناڵد ترەمپ دەكات.
ئاماژەی بەوەشدابوو كە هەردوو سەرۆك ژمارەیەك پرسی گرینگ تاوتوێ دەكەن.
ئەمە لەكاتێكدایە كە بە درێژایی چوار ساڵی رابردوو، ترەمپی تەمەن 78 ساڵ بەردەوام رەخنەی لە بایدنی تەمەن 81 دەگرت و بەوە تۆمەتباری دەكرد كە كەسێكی گونجاو نییە بۆ سەرۆكایەتی ئەمەریكا.
کۆمێنت (0)
تا ئێستا هیچ کۆمێنتێک نەکراوە.