لە بۆردومانێكی سوپای ئیسڕائیل بۆ سەر ناوچەیەك لە سووریا، فەرماندەیەكی باڵای سەربازی حزبوڵا بەناوی سەلیم جەلیل عەیاش هاتە كوشتن، فەرماندەكە تۆمەتبار بوو بە كوشتنی رەفیق حەریری سەرۆكی پێشووی لوبنان.
عەیاش دوێنێ شەممە لەگەڵ دوو چەكداری دیكەی حزبوڵا لە بۆردومانێكی سوپای ئیسڕائیل بۆ سەر سەربازگەیەك لە دەوروبەری شاری قەیسڕ لە رۆژئاوای سووریا لە نزیك سنووری لوبنان كوژرا.
عەیاش كە لەدایكبووی ساڵی 1963ی لوبنانە، لەلایەن دادگای نێودەوڵەتییەوە لە ساڵی 2020 بە تۆمەتباری سەرەكی كوژرانی رەفیق حەریری هاتبووە دادگاییكردن.
پێشتر دادگای لوبنان پاداشتی 10 ملیۆن دۆلاری خستبووە بەردەست بۆ هەر كەسێك زانیاری لەسەر شوینی سەلیم عەیاش بە هێزەكانی ئەمنی بدات.
عەیاش لەلایەن سوپای ئەمەریكاشەوە داواكراوبوو بەهۆی ئەوەی پێشتر دەستی هەبووە لە زیانگەیاندن بە سەرباز و سەربازگە ئەمەریكییەكان.
کۆمێنت (0)
تا ئێستا هیچ کۆمێنتێک نەکراوە.