بەگوێرەی زانیارییە میدیاییەكان، بەر لەوەی ئیسڕائیل هێرشەكانی بۆ سەر ئێران دەست پێ بكات، زانیاری هێرشەكە گەیشتبووە تاران و ئاگادار كرابوونەوە.
كەناڵی حەوتی ئیسڕائیل بڵاوی كردەوە: شەوی شەممە بەر لە ئەنجامدانی هێرشەكەی ئیسڕائیل، ئێران ئاگاداری ئەنجامدانی هێرشەكە كرابووەوە.
بڵاویشی كردەوە: چەند كاتژمێرێك بەر لە ئەنجامدانی هێرشەكە، زانیاری گەیشتبووە تاران كە ئەو شەوە ئیسڕائیل هێرشی مووشەكی دەكات.
لای خۆشییانەوە میدیاكانی ئێران ئاماژەیان بەوەدابوو كە زانیارییەكان لە رۆژی هەینی رابردووەوە گەیشتبوون و هێزە ئەمنییەكان لە تاران تەواوی ئامادەكارییەكانی خۆیان كردبوو.
بەگوێرەی دوایین ئاماری تەندروستی ئێران، لە ئەنجامی هێرشەكەی شەوی شەممەی ئیسڕائیل چوار سەربازی سوپای پاسداران و هاووڵاتییەك كوژران.
کۆمێنت (0)
تا ئێستا هیچ کۆمێنتێک نەکراوە.