بەڕێوەبەرایەتی خزمەتگوزاری ژینگەپارێزی سەر بە سەرۆكایەتی شارەوانی هەولێر، لە ئەمڕۆ دووشەممەوە دەستی كرد بە هەڵمەتی ئامادەكارییەكان بۆ وەرزی بارانبارین و خاوێنكردنەوەی مەزرا و مەنهۆڵەكان.
بەڕێوەبەرایەتییەكە رایگەیاند: هەڵمەتەکە بۆ ماوەی هەفتەیەک بەردەوام دەبێت و هەموو رۆژێك لە سنووری هەموو شارەوانییەکانی سەر بە سەرۆکایەتی شارەوانی هەولێر مەزراكان خاوێن دەكرێنەوە.
راشیگەیاند: تەنیا ئەمڕۆ دووشممە لە شاری هەولێر نزیکەی 90 مەزرا پاککراونەتەوە.
هەروەها رایگەیاند: هەڵمەتەکە بە شێوەیەکە كە سەرەتا شەقامە سەرەکییەکان، دواتریش بازار و کۆلانەکان بە شێوەیەکی گشتی پاک دەکرێنەوە، ئەم کارانەش تا کۆتایی وەرزی زستان و بارانبارین بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.