هێزی ئاسمانی ئۆكڕاینا ئاشكرای كرد، لە هێرشەكەی شەوی رابردووی رووسیا بۆ سەر شاری كییفی پایتەخت 12 درۆن خراوەتە خوارەوە بێ ئەوەی هیچ زیانێكی گیانی و ماددی بكەوێتەوە.
هێزی ئاسمانی ئۆكڕاینا لە راگەیەنراوێكدا بڵاوی كردەوە: شەوی رابردوو لەلایەن رووسیاوە هێرشێكی بەرفراوانی هاژەكی و فڕۆكەی بێ فڕۆكەوان بۆ سەر شاری كییفی پایتەختی ئۆكڕاینا ئەنجامدرا.
بڵاویشی كردەوە: لە هێرشەكەدا لە كۆی 18 درۆن، هێزەكانی بەرگریی ئاسمانی توانیان 12 درۆن بخەنە خوارەوە.
ئاماژەی بەوەش دا كە سوپای رووسیا لە هێرشەكەدا هاژەكی جۆری (ئەسكەندەر ئێم)یشی بەكارهێنا.
جەختیشی كردەوە كە لە كۆی گشتیی هێرشەكەدا هیچ دامەزراوەیەكی سەربازی نەپێكران و هەروەها هیچ زیانێكی گیانی و ماددیش نەكەوتەوە.
کۆمێنت (0)
تا ئێستا هیچ کۆمێنتێک نەکراوە.