دوای راگەیاندنی ئەنجامی تاقیكردنەوە گشتییەكان لە وڵاتی میسڕ، ناوی قوتابییەك لە تۆڕەكانی كۆمەڵایەتی لە میسڕ و تەواوی وڵاتانی عەرەبی و ئیسلامی دەبێتە جێگەی سەرنج بۆ هاووڵاتییان كە بە ناوی (محەمەد محەمەد محەمەد محەمەد محەمەد) تۆماركراوە.
قوتابییەكە لە تاقیكردنەوە گشتییەكانی پۆلی 3ی ناوەندی سەركەوتووبووە و كۆی گشتی نمرەكانی 70.85% بەدەستهێناوە.
باوكی محەمەد دەڵێت، لە باپیرە گەورەمانەوە وەسیەتكراوە لە بنەماڵەكەمان ناوی محەمەد نەبڕێت و كوڕەكانمان ناو بنێین محەمەد.
محەمەدی قوتابیش دەڵێت، هەرچەندە هەندێجار لەنێو قوتابییان و لە قوتابخانەكەم بەهۆی ناوەكەمەوە كێشەم بۆ دروست بووە، بەڵام هەموو كات شانازیم بە ناوەكەمەوە كردووە.
جەختیشی كردەوە كە ئەویش وەسیەتنامەكەی باپیرە گەورەی جێبەجێ دەكات و لە داهاتوودا ئەگەر كوڕێكی هەبێت، ناوی لێ دەنێت محەمەد.
کۆمێنت (0)
تا ئێستا هیچ کۆمێنتێک نەکراوە.