ڕاپۆرته ڕۆژنامه‌وانیه‌كانی وڵاتی ئیتالیا بڵاویانكرده‌وه، دوای به‌كۆتا هاتنی ماوه‌ی گرێبه‌ستی یاریزانی فه‌رانسی رافائیل ڤاران له‌گه‌ڵ یانه‌ی مانچسته‌ر یونایتد له‌هاوینی ئه‌مساڵ، له‌ئێستادا ئه‌و یاریزانه ئازاده بێ به‌رامبه‌ر روو له‌هه‌ر یانه‌یه‌ك بكات.
به‌پێی قسه‌ی رۆژنامه‌كان یانه‌ی كۆمۆی ئیتالی به‌چری له‌سه‌ر هێله بۆ ئه‌نجامدانی گرێبه‌ست له‌گه‌ل ئه‌و یاریزانه، هه‌روه‌خها ڕۆژنامه‌كانی ئیتالیا له‌زاری فابریزۆ رۆمانۆ ئاشكرایانكردوه، ڤاران له‌گه‌ڵ یانه‌ی كۆمۆ رێكه‌وتووه، بۆیه له‌چه‌ند كاتژمێری داهاتوو ره‌نگه گڕێبه‌ستی ئه‌و به‌رگریكاره له‌گه‌ڵ یانه‌ی كۆمۆ رابگه‌یه‌نرێت.
به‌پێی زانیاریه‌كان گڕێبه‌ستی ڤاران له‌گه‌ڵ یانه ئیتالیه‌كه بۆ ماوه‌ی دوو ساڵه و تا حوزه‌یرانی 2026، ڤارانی ته‌مه‌ن 31 ساڵان، له‌وه‌رزی رابردوو به‌شداری 31 یاری له‌گه‌ڵ مانچسته‌ر یونایتد كرد، ئه‌و به‌رگریكاره ته‌نیا یه‌ك گۆلیش له‌وه‌رزی رابردوو تۆماركرد .
کۆمێنت (0)
تا ئێستا هیچ کۆمێنتێک نەکراوە.