له چه‌ند ناوچه‌یه‌كی پارێزگای نه‌جه‌ف به‌هۆی بێكاره‌باییه‌وه خۆپێشاندانێكی به‌رفراوان به‌ڕێوه‌چوو.
سه‌رچاوه ئه‌منییه‌كانی سه‌ر به وه‌زاره‌تی ناوخۆی عێراق له ڕاگه‌یه‌نراوێكدا بڵاویانكرده‌وه، به‌هۆی نه‌بوونی كاره‌با و خزمه‌تگوزاری پێویست به هه‌زاران خۆپێشاده‌ر شه‌وی ڕابردوو ڕژانه سه‌ر شه‌قامه‌كان له هه‌ردوو شارۆچكه‌ی كوفه و میشخاب له پارێزگای نه‌جه‌ف و به سووتاندنی تایه و به‌ستنی ڕێگاكان ناڕه‌زایه‌تییان ده‌ربڕی و تاوه‌كو به‌ره‌به‌یان مانه‌وه.
هه‌ر به‌هۆی نه‌بوونی كاره‌با، هه‌فته‌ی ڕابردووش خۆپێشاندانێكی به‌رفراوان له پارێزگای نه‌جه‌ف و چه‌ند پارێزگایه‌كی تری عێراق به‌ڕێوه‌چوو، به‌گوێره‌ی سه‌رچاوه ئه‌منییه‌كان گرژی و ئاڵۆزی له‌نێوان خۆپێشانده‌ران و هێزه ئه‌منییه‌كاندا دروستبوو له‌كاتی هه‌وڵدان به بڵاوه‌پێكردنیان، خۆپێشانده‌ران به به‌رد ڕووبه‌ڕووی هێزه ئه‌منییه‌كان بوونه‌وه.
جێی ئاماژه‌یه، به‌هۆی نه‌بوونی كاره‌با، له وه‌رزی هاوینی هه‌موو ساڵێكدا، له چه‌ندین شار و شارۆچكه‌ی ناوه‌ند و خوارووی عێراق، خۆپێشاندانی به‌رفراوان به‌ڕێوه‌ده‌چێت، به‌ڵام تاوه‌كو ئێستا لایه‌نی په‌یوه‌ندیدار نه‌یتوانیوه ئه‌و كێشه‌یه چاره‌سه‌ر بكات.
کۆمێنت (0)
تا ئێستا هیچ کۆمێنتێک نەکراوە.