ئه‌مڕۆ پێنجشه‌ممه 2024/7/4 فه‌لاح مسته‌فا ياريده‌ده‌رى سه‌رۆكى هه‌رێمى كوردستان بۆ كاروبارى سياسه‌تى ده‌ره‌وه، له ديدارێكدا له‌گه‌ڵ پيته‌ر شتيبا‌نك باڵيۆزى كۆمارى چيك له عێراق به‌بۆنه‌ى ته‌واوبونى ئه‌ركييه‌وه، به ناوى نێچيرڤان بارزانى و سه‌رۆكايه‌تيى هه‌رێمى كوردستانه‌وه، سوپاسى كار و هه‌وڵه‌كانى كرد بۆ بره‌ودان به په‌يوه‌ندييه‌كانى وڵاته‌كه‌ى له‌گه‌ڵ عێراق و هه‌رێمى كوردستان، هه‌روه‌ها هيواى سه‌ركه‌وتنى له ئه‌ركى تازه‌يدا بۆ خواست.
لاى خۆيه‌وه باڵيۆزى چيك سوپاس و پێزانينى بۆ پشتگيريى هه‌رێمى كوردستان له ئه‌ركه‌كه‌ى له عێراق ده‌ر‌بڕى و جه‌ختى له خواستى وڵاته‌كه‌ى بۆ بره‌ودان به په‌يوه‌ندييه‌كان و هاريكاريى هاوبه‌ش له‌گه‌ڵ عێراق و هه‌رێمى كوردستان كرده‌وه.
کۆمێنت (0)
تا ئێستا هیچ کۆمێنتێک نەکراوە.