ئه‌مڕۆ به‌ به‌ڕێوه‌چوونی 2 یاری ده‌ست به‌یارییه‌كانی قۆناغی 16ی یۆڕۆی 2024 ده‌كرێت

به‌ به‌ڕێوه‌چوونی 2 یاری ده‌ست به‌ یارییه‌كانی قۆناغی 16ی یۆڕۆی 2024ی ئه‌ڵمانیا ده‌كرێت.

 كاتژمێر 7ی ئێواره‌ی ئه‌مڕۆ شه‌ممه‌ 29ی6ی2024، له‌ یه‌كه‌م یاری قۆناغی 16 ی یۆرۆی 2024 و له‌سه‌ر یاریگای ئۆڵۆمپی له‌شاری به‌رلین ، هه‌ردوو هه‌لبژارده‌ی ئیتاڵیاو سویسرا روبه‌رووی یه‌كتری ده‌بنه‌وه، ئیتالیا به كۆكردنه‌وه‌ی 4 خال و به‌‌ پله‌ی دووه‌می كۆمه‌له‌ی دووه‌م و سویسرای به‌به‌ده‌ستهێنانی 5 خال و به‌ پله‌ی دووه‌می كۆمه‌له‌ی یه‌كه‌م سه‌ركه‌وتن بۆ ئه‌م قۆناغه‌ . 

له‌ یاری دووه‌می قۆناغی 16ی یۆرۆی 2024 ، ئه‌ڵمانیای خاوه‌ن یاریگا كه‌ به‌ كۆكرنه‌وه‌ی 7 خال پله‌ی یه‌كه‌می كۆمه‌له‌ی یه‌كه‌می ده‌سته‌به‌ر كرد ، له‌ یاریه‌كی به‌هێزو قورسدا ، كاتژمێر 10ی ی شه‌و له‌سه‌ر یاریگای سیگناڵ ئه‌دۆنا پارك له‌شاری دۆرتمۆند روبه‌رووی هه‌لبژارده‌ی دانیماركی خاوه‌نی پله‌ی دووه‌می كۆمه‌له‌ی سێیه‌م ده‌بێته‌وه‌.