ئیمانوێل ماكڕۆن سەرۆكی فڕەنسا ئەمشەو یەكشەممە بڕیاری هەڵوەشاندنەوەی ئەنجوومەنی نیشتمانی (پەرلەمانی فڕەنسا) دەركرد، بڕیارەكە دوای دۆڕانی حزبەكەی هات لە هەڵبژاردنەكانی پەرلەمانی ئەوروپا.
ماكڕۆن هەروەها بڕیاری دا لە كۆتایی ئەم مانگەدا (رۆژی 30ی حوزەیران) هەڵبژاردنی پێشوەختە لە فڕەنسا ئەنجام بدرێت.
ئەم بڕیارەی ماكڕۆن لە كاتێكدایە كە ئەمڕۆ یەكشەممە ئەنجامە بەراییەكانی هەڵبژاردنی پەرلەمانی ئەوروپا لە فڕەنسا بڵاو كرایەوە، ئەنجامەكە بۆ حزبەكەی ماكڕۆن جێگەی شۆك بوو.
لە هەڵبژاردنی پەرلەمانی ئەوروپا پارتی بەرەی نیشتمانی ڕاستڕەو بە سەرۆكایەتی جۆردان باردێلا پلەی یەكەمی هەڵبژاردنی لە فڕەنسا بەدەستهێنا بە بردنەوەی رێژەی 32.5%ی دەنگەكان.
لەبەرامبەریشدا پارتەكەی ئیمانوێل ماكڕۆن لە هەڵبژاردنەكەدا تەنیا رێژەی 15%ی دەنگەكانی بەدەستهێناوە.
کۆمێنت (0)
تا ئێستا هیچ کۆمێنتێک نەکراوە.