كەشناسی: ئەمڕۆ و سبەی كەشوهەوا گونجاو دەبێت بۆ گەشت و سەیران

لە خستنەڕووی رەوشی كەشوهەوای ئەمڕۆ هەینی و سبەی شەممەی ناوچەكانی هەرێمی كوردستان، بەڕێوەبەرایەتی گشتیی كەشناسی و بوومەلەرزەزانی رایگەیاند كە هەردوو رۆژەكە كەشوهەوا گونجاو دەبێت بۆ گەشت و سەیران.

بەڕێوەبەرایەتییەكە سەبارەت بە كەشوهەوای ئەمڕۆ هەینی رایگەیاند: ئاسمان لەنێوان ساماڵ و پەڵە هەور دەبێت لە هەندێک ناوچە نیمچە هەور دەبێت، پلەکانی گەرماش بە نزیکەی 1 تــــا 2 پلە بەرزتر دەبێت بە بەراورد تۆمارکراوەکانی دوێنێ پێنجشەم .

راشیگەیاند: خێرایى با لەسەرخۆ و مامناوەند و ئاراستەكەشی باکوری خۆرئاوا دەبێت .

بەهەمانشێوە بۆ كەشوهەوای سبەش شەممەش، كەشناسی رایگەیاند: ئاسمان بە گشتی ساماڵ و پەڵە هەور دەبێت، هەروەها پلەکانی گەرما بە نزیکەی 1 تــــا 3 پلە بەرزتر دەبێت بە بەراورد تۆمارکراوەکانی ئەمرۆ هەینی .

ئاماژەی بەوەش دا كە خێراى با لەسەرخۆ و مامناوەند و ئاراستەكەشی باکووری خۆرئاوا دەبێت .

ئەمەی خوارەوەش بەرزترین پلەکانی گەرمای شارەكانە بە پلەی سیلیزی:-

هەولێر: 25

سلێمانی:  23

دهۆك:  24

زاخۆ:  25

هەڵەبجە: 24

کەرکووک: 29

سۆران: 24

حاجی ئۆمەران: 14

گەرمیان: 30