باڵیۆزی ئەمەریكا لە بەغدا رایگەیاند كە پێویستە حكوومەتی عێراق بۆ سەربەخۆیی لە بابەتی وزە پشت بە نەوت و غازی هەرێمی كوردستان وەربگرێت.
ئەلینا رۆمانۆوسكی باڵیۆزی ئەمەریكا لە عێراق لە تۆڕی كۆمەڵایەتی ئێكس بڵاوی كردەوە: ئەمڕۆ سێشەم لە دیدارێكدا لەگەڵ حەیان عەبدولغەنی وەزیری نەوتی عێراق تاوتوێی ئامادەكارییەكانمان بۆ سەردانەكەی محەمەد شیاع سوودانی سەرۆك وەزیرانی عێراق بۆ ئەمەریكا كرد.
بڵاویشی كردەوە: جەختمان لە سەربەخۆیی عێراق لە بابەتی وزە بۆ سوودی تەواوی عێراقییەكان كردەوە.
هەروەها بڵاوی كردەوە: ئاماژەمان بەوەش دا كە پێویستە عێراق بۆ سەربەخۆیی لە بابەتی وزە پشت بە نەوت و غازی هەرێمی كوردستان ببەستێت.
کۆمێنت (0)
تا ئێستا هیچ کۆمێنتێک نەکراوە.