ئه‌مڕۆ هه‌ینی چه‌ندان فڕۆكه‌ی جه‌نگی به‌شێوه‌یه‌كی چڕ و نزم به‌سه‌ر ئاسمانی هه‌ردوو وڵاتی عێراق و سووریا سووڕاونه‌ته‌وه و بوونه‌‌ته هۆی دروستبوونی ترس و دڵه‌ڕاوكێی هاووڵاتییان.
به‌گوێره‌ی زانیارییه میدیاییه‌كان له سه‌رله‌به‌یانی ئه‌مڕۆ هه‌ینییه‌وه چه‌ندان فڕۆكه‌ی جه‌نگی ئه‌مه‌ریكی به‌شێوه‌ی چڕ و نزم به‌سه‌ر ئاسمانی شاری قائیم له عێراق و ئه‌لبوكه‌مال له سووریا سووڕاونه‌ته‌وه.
بینینی فڕۆكه جه‌نگییه‌كان به‌مشێوه نزمی و چڕییه بوونه‌‌ته هۆی دروستبوونی ترس و دڵه‌ڕاوكێ و هاووڵاتییان ترسیان هه‌یه دووباره ناوچه‌كانیان هاژه‌كباران بكرێنه‌وه.
ئه‌مه له‌كاتێكدایه كه شه‌وی شه‌ممه رێكه‌وتی 3/2/2024 به فڕۆكه‌ی جه‌نگی هێرشكرایه سه‌ر چه‌ندان ناوچه و باره‌گای حه‌شدی شه‌عبی و حزبوڵا له شاری قائیم له سنووری پاریزگه‌ی ئه‌نباڕ و هه‌روه‌ها ئه‌لبوكه‌مال له سووریا، له ئه‌نجامی هێرشه‌كه‌ش چه‌ندان كه‌س كوژران و بریندار بوون.
کۆمێنت (0)
تا ئێستا هیچ کۆمێنتێک نەکراوە.