ترەمپ: من حەزم لە مامەڵەكردنە لەگەڵ كەسانێك كە خاوەنی چەكی ئەتۆمین

دۆناڵد ترەمپ، سەرۆكی پێشووی ئەمریكا، پێیوایە لە ماوەی 10 مانگی كۆتایی پێش هەڵبژاردنەكانی سەرۆكایەتی ئەمریكا، جۆ بایدن، سەرۆكی ئێستای ئەمریكا، جەنگی جیهانی سێیەم هەڵدەگیرسێنێت و دەبێتە هۆی وێرانكاری بۆ ئەمریكا.
ترەمپ لە میانی كۆبوونەوەیەكی لەگەڵ لایەنگرانیدا گوتی: ئەگەر سەرۆكی ئەمریكا بووایە، شەڕی ئۆكرانیا و ململانێی فەلەستین و ئیسرائیل سەریهەڵنەدەدا و دۆخی نیمچە دوورگەی كۆریای لە ژێر كۆنتڕۆڵدا دەهێشتەوە، چونكە بە بۆچوونی ئەو،توانای مامەڵەكردنی لەگەڵ سەركردەكانی جیهاندا هەیە.
لە درێژەی قسەكانیدا گوتی: ئەوان ئەو ڕاستییەیان بەدڵ نەبوو كە من باش بووم لە مامەڵەكردن لەگەڵ ڤلادیمێر پوتینی سەرۆكی ڕووسیا، من حەزم لە مامەڵەكردنە لەگەڵ كەسانێك كە خاوەنی  هەزار و 600 سەری ئەتۆمین.
ترەمپ خۆی بە تاكە كاندید وەسف كرد كە توانای ڕزگاركردنی ئەمریكای هەیە و دەشڵێت :ئەگەر من ببمەوە بە سەرۆكی ئەمریكا رێگا نادەم جەنگی جیهانی سێیەم رووبدات.
شایانی باسە بایدن لە وتارێكدا كە ڕۆژی هەینی لە ویلایەتی پێنسیلڤانیا پێشكەشی كرد، گوتی: ترەمپ ئامادەیە دیموكراسی بكاتە قوربانی بۆ ئەوەی دەسەڵات بەدەستبهێنێت.