پارێزگاری هه‌ولێر رایده‌گه‌یه‌نێت، ئێمه هه‌میشه گوتومانه حكومه‌تی عێراق ماف و شایسته داراییه‌كانی هه‌رێمی كوردستان زه‌وت ده‌كات و پێشێلكاری ده‌ستووری ده‌كرێت. ده‌شڵێت: "پێشتر هێزه‌كانی هاوپه‌یمانان ئامانجی میلیشیاكان بوون، ئێستا پێشمه‌رگه ئامانجیانه".
ئومێد خۆشناو پارێزگاری هه‌ولێر، له‌میانه‌ی كۆنفرانسێكی رۆژنامه‌وانی شەوى ڕابردوو رایگه‌یاند: "بودجه و مووچه‌ی خه‌ڵكی هه‌رێمی كوردستان له‌لایه‌ن به‌غداوه نانێردرێت، به‌ڵام میلیشیاكان چه‌كدار ده‌كرێن، سه‌رچاوه و شوێنه‌كانیان دیاره".
هه‌روه‌ها گوتیشى: "ئه‌و بۆشاییه ئه‌منییه‌ی نێوان حكومه‌تی عێراقی و هه‌رێمی كوردستان هه‌یه، به جێبه‌جێكردنی رێككه‌وتنی ئه‌منی و شنگال چاره‌سه‌ر ده‌بن".
داواشی له حكومه‌تی عێراقی كرد، له‌باره‌ی گرووپه له‌یاسا ده‌رچووه‌كان، هه‌ڵوێستی جددی هه‌بێت.
ئه‌وه‌شی خسته‌ڕوو، به‌هۆی هێرشی گرووپه له‌یاسا ده‌رچووه‌كان، حكومه‌تی هه‌رێمی كوردستان وه‌ڵامی ده‌بێت، داواش له هاوپه‌یمانانمان ده‌كه‌ین، ئاسمانی هه‌رێمی كوردستان بپارێزن.
ئاماژه‌ی به‌وه‌شكرد، پێشتر هێزه‌كانی هاوپه‌یمانان ئامانجی میلیشیاكان بوو، ئێستا پێشمه‌رگه ئامانجیانه.
ئەمە لە کاتێکدایە شەوی (شەممە، 30-12-2023)، کاتژمێر 11:45 خولەک؛ بە دوو درۆنی بۆمبڕێژکراو هێرشکرایە سەر بارەگایەکی هێزی پێشمەرگەی کوردستان لە سنووری پیرمام-هەولێر. حکومەتی هەرێمی کوردستان لە راگەیەندراوێکدا گوتی، "هێرشەکە زیانی گیانی نەبووە و تەنیا زیانی ماددی لێ کەوتەوە".
پارێزگاری هه‌ولێر: پێشتر هێزه‌كانی هاوپه‌یمانان ئامانجی میلیشیاكان بوون، ئێستا پێشمه‌رگه ئامانجیانه
100%
کۆمێنت (0)
تا ئێستا هیچ کۆمێنتێک نەکراوە.