ئه‌مڕۆ یه‌كشه‌م لە سێ ڕووداوی هاتوچۆدا لەناو شاری کەلار و شاره‌دێی کۆکس، کەسێک گیانی لەدەست دا و سێ کەسی تریش برینداربوون.
له ڕووداوی یه‌كه‌مدا پاش نیوەڕۆی ئەمڕۆ لە گوندی لەلبن لە سنووری شاره‌دێی کۆکس، ئۆتۆمبێلێکی جۆری هۆندای تۆکسۆن کەوته ناو جۆگەیەکی ئاودێرییەوە، بەهۆیەوە شۆفێرەکەی گیانی لەدەست دا كه ته‌مه‌نی 55 ساڵ بوو.
دوو ڕووداوه‌كه‌ی تر لەناو شاری کەلار ڕوویان دا و بەهۆیەوە سێ کەس بریداربوون، لە گەڕەکی گۆران ئۆتۆمبێلێکی جۆری نیسان پیکاب و ماتۆڕسکیلێک پێکیان دادا و بەهۆیەوە لێخوڕ و سەرنشینی ماتۆڕ سکیلەکە برینداربوون، هەردوو برینداره‌كه ته‌مه‌نیان 17 ساڵ بوو.
هه‌روه‌ها لەناو گوندی کەلاری نوێ له نزیک مزگەوتی سپی پێكدادان لەنێوان ئۆتۆمبێلێکی جۆری جێب واز و پایسکیلێک ڕووی دا، به‌داخه‌وه پاسکیلسوارەکە برینداربوو كه تەمەنی 12 ساڵ بوو.
لای خۆیه‌وه به‌ڕێوه‌به‌رایه‌تی هاتوچۆی گه‌رمیا ڕایگه‌یاند كه سەرجەم بریندارەکان گەیەنراونەته نەخۆشخانەی فریاکەوتنی شه‌هید هەژار و لێکۆڵینەوە لە ڕووداوەکان دەستی پێ کردووە.
کۆمێنت (0)
تا ئێستا هیچ کۆمێنتێک نەکراوە.