لە قەزای تاشڵیچای پارێزگای ئاگری له توركیا، لە ئاکامی وەرگەڕانی ئامێرێکی راماڵینی بەفر لە کاتی کردنەوەی ئەو ڕێگایانەی بە بەفر داخرابوون، سێ کەس گیانیان لەدەستدا و کەسێکی دیکەش بێسەروشوێن بوو.
هاووڵاتیيانی ناوچەی سیڤریجە لە گوندی یوکاری دوزمەیدانی سەربە قەزاکە، داوای هاوکارییان لە لایەنی پەیوەندیدار کرد بۆ دۆزینەوەی ئاژەڵە ونبووەکانیان.
لەسەر داوای ئەو هاووڵاتیيانە تیم و ئامێرەکانی راماڵینی بەفری ئافاد و فەرمانگەی تایبەتی پارێزگا ڕەوانەی گوندەکە کران.
بەهۆی بارینی بەفرەوە تیمەکان نەیانتوانی بگەنە ناوچەکە.
لەم نێوەندەدا، ئامێرێکی راماڵینی بەفر (شۆفڵ)ی فەرمانگەی تایبەتی پارێزگا کە شۆفێرێک و سێ کەسی تێدا بوو و سەرقاڵی کردنەوەی ڕێگا داخراوەکە بوو، کەوتە چاڵێکەوە و وەرگەڕا.
دوا بە دوای ڕووداوەکە تیمەکانی فریاگوزاری بەپەلە و جەندرمە و گەڕان و ڕزگارکردن دەستیان بە کارەکانی گەڕان و ڕزگارکردن کرد.
تیمەکان دوای هەوڵە ماندووبوونێکی زۆر شوفێری شۆفڵەکە کە بە سەختی برینداربوو ڕزگارکرد و گواستیانەوە بۆ نەخۆشخانەی حکوومی تاشڵیچای، بەڵام سەرەڕای هەموو هەوڵەکان نەتوانرا ژیانی ڕزگار بکرێت و گیانی لەدەستدا.
لە درێژەی کارەکانی گەڕان و ڕزگارکردنی سێ کەسەکەی دیکە کە شەو بەهۆی سەختی کەشوهەواوە ڕاگیرا تەرمی دوو کەسیان دۆزرایەوە و لە ئێستادا تیمەکان لە هەوڵدان بۆ دۆزینەوەی تەرمی کەسەکەی دیکە.
کۆمێنت (0)
تا ئێستا هیچ کۆمێنتێک نەکراوە.