به‌بۆنه‌ى هاتنى جه‌ژنه‌كانى كريسمس و سه‌رى ساڵى تازه‌ى زايينييه‌وه، سه‌رۆكايه‌تيى هه‌رێمى كوردستان ڕێوڕه‌سمێكى پێشوازى و ئێواره‌خوانێكى بۆ ديپلۆماتكاران و نوێنه‌رانى وڵاتان و هاوپه‌يمانان له هه‌رێمى كوردستان ساز كرد.
له ڕێوڕه‌سمه‌كه‌دا نێچيرڤان بارزانى سه‌رۆكى هه‌رێمى كوردستان و جێگرانى سه‌رۆك و نوێنه‌رى تايبه‌تى سكرتێرى گشتيى نه‌ته‌وه‌يه‌كگرتووه‌كان و ژماره‌يه‌ك له وه‌زيران و به‌رپرسانى حكوومه‌تى هه‌رێمى كوردستان و باڵيۆزى وڵاتان ئاماده‌ى بوون.
لای خۆیه‌وه فه‌وزى هه‌ريرى سه‌رۆكى ديوانى سه‌رۆكايه‌تيى هه‌رێمى كوردستان له وته‌يه‌كى به‌خێرهێناندا، به ناوى سه‌رۆكايه‌تيى هه‌رێمى كوردستانه‌وه پيرۆزباييى جه‌ژنه‌كانى كريمس و سه‌رى ساڵى تازه‌ى زانيينى له ئاماده‌بووان كرد و سوپاس و پێزانينى گه‌لى كوردستانى بۆ هاوكارى و پشتگيريى وڵاتان له هه‌رێمى كوردستان دووپات كرده‌وه، هه‌روه‌ها هيواى ساڵيكى تازه‌ى ئارام و ئاسووده و پێشكه‌وتنى بۆ هه‌مووان خواست.
هه‌ر له په‌راوێزى ڕێوڕه‌سمه‌كه‌دا، چه‌ند تابلۆيه‌كى هونه‌ريى هه‌ڵپه‌ڕكێى كوردى و پێکهاته‌کانی هه‌رێمی کوردستان پێشكه‌ش كران.
کۆمێنت (0)
تا ئێستا هیچ کۆمێنتێک نەکراوە.