فەرماندەی هێزەکانی ئەڵمانیا پشتیوانی سه‌ربازی وڵاته‌كه‌ی بۆ پێشمه‌رگه‌ دووپاتكرده‌وه‌

فەرماندەی هێزەکانی ئەڵمانیا سەردانی بنکەی ئەسنادی دهۆکی کرد.
ئەمڕۆ20ی کانوونی یەکەمی 2023، کۆڵۆنێڵ ئەلیکسەندەر هامپ فەرماندەی هێزەکانی ئەڵمانیا لە هەرێمی کوردستان سەردانی بنکەی ئەسنادی لە دهۆک کرد و لەلایەن عه‌قید فەرمان زراری جێگری بەڕێوبەری میرەی گشتی سەربازی و فەرماندەی بنکە و ئەفسەرانەوە پێشوازییان لێکرا.
ئامانجی سەردانەکە،لە نزیکەوە دڵنیا بوونە لەچۆنیەتی بەڕێوەچوونی ئیش و کارەکانی بنکەی ئەسنادی دهۆک و لێکۆڵینەوە لە کەم و کوڕییەکان و باشترکردنی کاروبارەکانیان و پشتیوانیکردنی داواکارییەکانیان بە پێی توانا.
پاشان دوای هەڵسەنگاندن بۆ  کارەکانی ماوەی رابردووی بنکەی ئەسنادی دهۆک، بە وردی تیشکخرایە سەر چۆنیەتی پێشخستنی بنکەکانی ئەسناد لە دهۆک و سلێمانی، هاوکات دووپات لە پاڵپشتیکردنی تەواوەتی لە هەردوو بنکەکە کرا.