ئێواره‌ی ئه‌مڕۆ یه‌كشه‌م سه‌رۆك وه‌زیرانی عێراق به‌ره‌و وڵاتی كوێت به‌ڕێكه‌وت بۆ به‌شداریكردن له پرسه‌ی میری ئه‌و وڵاته.
نووسینگه‌ی ڕاگه‌یاندنی سه‌رۆك وه‌زیرانی عێراق بڵاوی كرده‌وه: سه‌رله‌ئێواره‌ی ئه‌مڕۆ یه‌كشه‌م محه‌مه‌د شیاع سوودانی سه‌رۆك وه‌زیرانی عێراق له‌گه‌ڵ شاندێكی باڵای حكوومه‌ت به‌ره‌و وڵاتی كوێت به‌ڕێكه‌وت بۆ به‌شداریكردن له پرسه‌ی شێخ نەواف ئەحمەد جابر ئەلسوباح میری كوێت.
شێخ نەواف ئەحمەد جابر ئەلسوباح میری كوێت دوێنێ شه‌ممه له ته‌مه‌نی 86 ساڵیدا به‌هۆی نه‌خۆشییه‌وه كۆچی دوایی كرد و ئه‌مڕۆش به ڕێوڕه‌سمێك ته‌رمه‌كه‌ی له گۆڕستانی سلێبیخات له باكووری ڕۆژئاوای ئەو وڵاتە بەخاك سپێردرا.
کۆمێنت (0)
تا ئێستا هیچ کۆمێنتێک نەکراوە.