سەرۆکی ئەرکان پێشوازی لە فەرماندەی هێزەکانی ئەڵمانیا کرد.
ئەمڕۆ 14ی کانوونی یەکەم 2023، فەریق روکن عیسا عوزێر سەرۆکی ئەرکانی وەزارەتی پێشمەرگە لە دیوانی وەزارەت، پێشوازی لە کۆڵۆنێڵ وۆلف ئەلیکساندەر هامپ فەرماندەی هێزەکانی ئەڵمانیا لە هەرێمی کوردستان و شاندێکی یاوەریکرد.
لەدیدارێکدا کە عمید روکن محه‌مه‌د سه‌عید بەڕێوەبەری هەماهەنگی وپەیوەندییەکان و بەشێک لە ئەفسەرانی هێزی ئەڵمانیا لەهەرێم ئامادەیبون، نوێترین پێشهاتە ئەمنیەکان لە هەرێم و ناوچەکە، کارەکانی تیمی ڕاوێژکارانی ئەو وڵاتە لەهەرێمی کوردستان لەبواری مەشق و ڕاهێنان و ڕاوێژکارییەوە خرایە بەرباس، هاوکات تیشک خرایە سەر هاوکاری و هەماهەنگی بەردەوامی هێزەکانی ئەڵمانیا بۆ هێزی پێشمەرگە،سەرۆکی ئەرکان خۆشحاڵی خۆی بەکارکردنی هاوبەش لەگەڵ هێزەکانی ئەڵمانیا لەهەرێمی کوردستان دەربڕی و ئاماژەی بەوەدا وڵاتی ئەڵمانیا لەرێگەی راوێژکارەکانیەوە لەهاوپەیمانیەتی نێودەوڵەتی دژی داعش ڕۆلێکی کارای هەبووە لە پاڵپشتیکردنی هەرێمی کوردستان و هێزی پێشمەرگەدا.
لەکۆتایی دیدارەکەدا هەردووڵا هاوڕا بوون لەسەر بەردەوامیدان بە پەیوەندییەکانی نێوان وەزارەتی پێشمەرگەو تیمی سەربازی ئەڵمانیا و هێزەکانی هاوپەیمانی نێودەوڵەتی لەهەرێمی کوردستان، بۆ ئەم مەبەستەش جەخت لەبەردەوامی پشتگیری وڵاتانی هاوپەیمان بۆ هێزی پێشمەرگەی کوردستان کرایەوە بۆ سەرخستن و بە ئەنجام گەیاندنی پڕۆسەی ریفۆرم لە ناو هێزەکانی پێشمەرگەدا.
کۆمێنت (0)
تا ئێستا هیچ کۆمێنتێک نەکراوە.